Domestic | Cambodia-Post

បញ្ញើក្នុងក្រុងតែមួយ

ផ្ញើ

ម៉ោង ១២:០០ ថ្ងៃត្រង់

ដឹកជូនដល់អតិថិជន

ក្នុងថ្ងៃតែមួយ

បញ្ញើឆ្លងខេត្តក្រុង

ផ្ញើ

ម៉ោង ១២:០០ ថ្ងៃត្រង់

ដឹកជូនដល់អតិថិជន

ពី ១-៣ ថ្ងៃធ្វើការ

រៀបចំផ្ញើឥឡូវនេះ

ការណែនាំនិងជម្រើសនៃការវេចខ្ចប់បញ្ញើ

រៀបចំវេចខ្ចប់កញ្ចប់បញ្ញីដោយខ្លួនឯងឬ? សូមវេចខ្ចប់កញ្ចប់ឲ្យបានសមរម្យ ដើម្បីការពារការខូចខាតក្នុងពេលលើកដាក់និងដឹកជញ្ជូន។ ជ្រើសរើសវិធីវេចខ្ចប់ដូចខាងក្រោម៖

រើសប្រអប់ផ្ទាល់ខ្លួន៖ សន្សំសំចៃដោយប្រើប្រអប់ដែលលោកអ្នកមានស្រាប់ សូមពិនិត្យថាសំបកកេសមាំទាំល្មមក្នុងការផ្ទុកទំនិញរបស់លោកអ្នក។
ជ្រើសរើសប្រើប្រអប់របស់ប្រៃសណីយ៍កម្ពុជាជាច្រើនប្រភេទដែលមានដាក់លក់នៅ សាខាប្រៃសណីយ៍ ក្បែរលោកអ្នកឬនៅហាងទំនិញនានា។

មិនចាំបាច់ខ្វល់ខ្វាយ លោកអ្នកអាចជ្រើសរើសប្រើប្រអប់ PostPack ដែលបានគិតបញ្ចូលសេវាប្រៃសណីយ៍រួចជាស្រេច លោកអ្នកអាចផ្ញើទៅគ្រប់ទិសទីទូទាំងប្រទេសក្នុងតម្លៃតែមួយ។

ប្រភេទប្រអប់	ទំហំ (សម.)	ចំណុះ (គក.)	តម្លៃ (រៀល)
S	25 x 25 x 20	up to 2	7,000
M	35 x 35 x 30	up to 5	10,000
L	45 x 45 x 40	up to 10	15,000

ដើម្បីឲ្យកញ្ចប់បញ្ញើរបស់លោកអ្នកទៅដល់ទីដោយសុវត្ថិភាព សូមអានការណែនាំក្នុងការវេចខ្ចប់។

ជ្រើសរើសប្រអប់ឲ្យបានសមរម្យ៖ សូមពិនិត្យថាអីវ៉ាន់របស់លោកអ្នកច្រកចូលក្នុងប្រអប់បានសមរម្យ(មិនចង្អៀតពេកនិងមិនរលុងពេក)។ ប្រើប្រអប់ដែលមានភាពមាំទាំនិងបិទស្កុតដែលស្វិតមិនងាយរហែក។
បើអីវ៉ាន់របស់លោកអ្នកមិនអាចដាក់ចូលក្នុងប្រអប់ធម្មតា សូមទៅកាន់សាខាប្រៃសណីយ៍ដែលនៅជិតលោកអ្នកដើម្បីឲ្យបុគ្គលិកយើងខ្ញុំផ្តល់ជាជំនួយ។
ដើម្បីការពារកុំឲ្យអីវ៉ាន់របស់លោកអ្នកវាចខូចទ្រង់ទ្រាយក្នុងពេលដឹកជញ្ជូន សូមប្រើក្រដាសកាតុងរឹងការពារមុនពេលវេចខ្ចប់។
ចំពោះអីវ៉ាន់ដែលផុយស្រួយងាយនឹងបាក់បែកសូមប្រើក្រដាសទន់ដូចជាក្រដាសជូតមាត់ឬថង់ផ្លាស្ទិកពពុះវេចខ្ចប់មុននឹងដាក់ចូលក្នុងប្រអប់។
វេចខ្ចប់វត្ថុសើមឬវត្ថុរាវដោយថង់ដែលអ៊ុតជិតឬធុងមានគំរបបិទជិតល្អមុននឹងដាក់ចូលក្នុប្រអប់បញ្ញើដើម្បីការពារការលេចធ្លាយក្នុងពេលដឹកជញ្ជូន។ មិនត្រូវផ្ញើវត្ថុដែលងាយខូចឬស្អុយរលួយតាមសេវាប្រៃសណីយ៍ឡើយ។
ប្រើកំទេចក្រដាសញាត់បំពេញចន្លោះប្រហោងដើម្បីការពារកុំឲ្យអីវ៉ាន់ក្រឡុកចុះឡើងក្នុងពេលដឹកជញ្ជូន។
ប្រើស្កុតស្វិតដើម្បីបិទប្រអប់ដោយបិទជាទំរង់ H តាមឧទាហរណ៍ដូចខាងក្រោម៖

ជំហានទី១

ជំហានទី២

ជំហានទី៣ (ធ្វើដូចជំហានទី១ និង ទី២)
វត្ថុដែលអាចបង្កហានិភ័យដល់សុខភាព សុវត្ថិភាព និងទ្រព្យសម្បត្តិឬបរិស្ថានមិនអាចផ្ញើតាមសេវាប្រៃសណីយ៍បានឡើយ។ នេះគឺរួមទាំងគ្រឿងផ្ទុះ អាវុធ ហ្គាស វត្ថុរាវដែល ងាយឆាបឆេះ ។ល។ វត្ថុទាំងនេះត្រូវបានច្បាប់ហាមឃាត់ក្នុងការ ផ្ញើតាមប្រព័ន្ធសេវាប្រៃសណីយ៍។